أررررحبوا ياطيبين الفعالي .. من جنوب مكه للشمالي
آممم الباقي ماعرفه .. انتوا كملوا شلونكم بنات ؟ شخبااركم ؟
اليوم طرى على بالي الزير سالم .. اذكر انه درس معاي الصف الاول ابتدائي
يقول الزير ابو ليلى المهلهل ... وقلب الزير قاسي لايلينا
وان لان الحديد ما لان قلبي ... وقلبي من حديد القاسيينا
اقول شكلي راح املّغ عليكم .. وعلى طاري الملاغه بقولكم نكته بس لحد يضحك
في لاعب دخل الملعب ومعاه ملعقه قولوا لييييييش
عشان يحرك اللعب .. هااااااااااااااااااااااااهههه عاد اضحكوا
تبون شلون .. بدخل في الموضوع وابي الكل يتفاعل .. الموضوع الله يسلمكم
إحنا البنات اكيد كل وحده فينا عندها مشاكل شخصيه واسرار تخصنا
ومشاعر عاطفيه وغيرها .. فسؤالي مع من تتكلمين بهالامور ؟
في بنات يتكلمون مع أمهاتهم وتكون علاقتهم مابينهم علاقة صداقه
وهذي قليله في وجهة نظري
وفي بنات يتكلمون مع قريباتهم .. سواء كانت عمتها خالتها بنت عمتها ..الخ
وفي بنات يتكلمون مع صديقاتهم ويرتاحون لهم .. واعتقد شريحه كبيره من البنات اللي
يفضفضون لصديقاتهم .. وأحياناً الصديقه تنكبها مع الاسف .. وماتفيدها
وفي بنات فاضحين أنفسهم .. يتكلمون قدام الكل وماخذين راحتهم ع الآخر
و اعتقد هذه مشكله كبيره .. وأصلاً تسيء للبنت نفسها يوم تتكلم عن امورها الخاصه واسرارها قدام الكل
وفي بنات يكتمون مشاعرهم و اسرارهم ومشاكلهم .. و للكتم مساوئ كثيره .. واحياناً يجر إلى أمور
عظيمه مثل المكالمات الغير إخلاقيها ومثل هذه القبيل
والبنت اللي تكتم مشاعرها واسرارها ممكن يخونها التقدير وتسوي بلاوي .. والله لا يبلانا
فـ خاطري اعرف .. مع من تتكلمين بأمورج الخاصه ؟ وهل تحسين بالراحه يوم تفضفضين او تتكلمين معها ؟
و هل لاحظتي سلبيات يوم تتكلمين ؟ ولا إجابيات فقط ؟
يعني خبروني عنكم وخلونا نتناقش مع بعض دامنا كلنا شباصات
وانا بقولك لمين افضفض
لبنت عمي وممكن انكم تعرفوها هي : ذبحهم غروري
المهم .. هذا اللي عندي ..
وانتظر ردودكم ونقاشكم الحلوه والهادفه